"სავიზო რეჟიმის ლიბერალიზაციის სამოქმედო გეგმის" განხორციელების შესახებ, ევროკომისიის მომზადებულ ანგარიშში ნათქვამია, რომ ფულის გათეთრებასთან ბრძოლაში გასულ წელს საქართველომ მნიშვნელოვან პროგრესს მიაღწია.
ამასთან დღეისათვის სამართლებრივი ბაზა ძირითადად შეესაბამება საერთაშორისო სტანდარტებს, ხოლო ინსტიტუციური საფუძველი, უწყებათაშორისი თანამშრომლობა და ადმინისტრაციული ბაზა უმეტესწილად უზრუნველყოფილია.
ევროკომისია მიიჩნევს, რომ ფულის გათეთრების და ტერორიზმის დაფინანსების წინააღმდეგ ბრძოლის სტრატეგიის და სამოქმედო გეგმის განხორციელება კვლავაც გეგმის მიხედვით უნდა გაგრძელდეს.
ტერორიზმის დაფინანსების პრაქტიკული გამოცდილება შეზღუდულია, მაგრამ საქართველოს ხელისუფლება მომზადებული ჩანს საჭიროების შემთხვევაში აღნიშნული პრობლემების დასარეგულირებლად.
საპროცესო შეთანხმებების ფართო გამოყენებას ის რისკი ახლავს, რომ კრიმინალები მოძებნიან გზებს უკანონო ქონების კონფისკაციისთვის თავის ასარიდებლად.
ფულის გათეთრების და ტერორიზმის დაფინანსების წინააღმდეგ ბრძოლის სტრატეგიისთან მიმართებით ევროკომისია საართველოს ხელისუფლებას შემდეგ რეკომენდაციას აძლევს:გააძლიეროს საკანონმდებლო ბაზა ფულადი სახსრების საერთაშორისო მოძრაობასთან დაკავშირებით და გააუმჯობესოს მისი განხორციელება;• უკეთესად გამოიყენოს არსებული საკანონმდებლო ბაზა კრიმინალური ქონების კონფისკაციის მიზნით; შეავსოს დარჩენილი ვაკანსიები ფინანსური მონიტორინგის სამსახურში უზრუნველყოს, რომ საქართველოს ეროვნული ბანკის მეთოდოლოგიისა და
ოფსაით შემოწმების განყოფილებამ დაიწყოს საქმიანობა სრული შემადგენლობით და დაარსდეს ოფსაიტ მონიტორინგის დამოუკიდებელი განყოფილება დაზღვევის სახელმწიფო ზედამხედველობის სამსახურში; მეტი ყურადღება მიაქციოს და გაზარდოს ინფორმირებულობის დონე ანგარიშვალდებულ ორგანიზაციებში, რომლებიც ან არ წარმოადგენენ ან ძალზე მცირე რაოდენობით წარმოადგენენ სათანადო ანგარიშებს.
