,,თავისუფალი დემოკრატების” წევრი დავით ონოფრიშვილი რიგგარეშე სესიაზე დაინტერესდა აპირებს თუ არ მთავრობა საარსებო მინიმუმის გადახედვას.
ონოფრიშვილის განმარტებით, არსებული გაანგარიშებით საარსებო მინიმუმი 150-160-ლარია და ამ თანხით შეუძლებელია ადამიანმა იცხოვროს.
,,საარსებო მინიმუმთან დაკავშირებით სამთავრობო პროგრამაში არაფერი წერია, ამიტომ მაინტერესებს აპირებს თუ არა მთავრობა ზოგადად საარსებო მინიმუმის გამოთვლის მეთოდოლოგიის გადახედვას. იმ მეთოდოლოგიით რაც გავქვს საარსებო მინიმუმი 150-160-ლარია და, პრაქტიკულად შეუძლებელია ადამიანმა იცხოვროს 150-ლარით”, _მიმართა ონოფრიშვილმა პრემიერ ირაკლი ღარიბაშვილს.
შეგახსენებთ, რომ მთავრობის განახლებულ შემადგენლობას პარლამენტი რიგგარეშე სესიაზე ნდობას დღეს გამოუცხადებს.
