რუსეთის პრეზიდენტმა პოსტსაბჭოთა რესპუბლიკების ლიდერებს მეორე მსოფლიო ომში გამარჯვების დღე მიულოცა. მილოცვის ტექსტსა და იმ ქვეყნების ჩამონათვალს, რომელთა ლიდერებსაც პუტინი ფაშიზმის დამარცხების დღეს ულოცავს, კრემლი საკუთარ ვებ-გვერდზე აქვეყნებს. ჩამოთვლილ ქვეყნებს შორისაა: აზერბაიჯანი, სომხეთი, ბელარუსი, ყაზახეთი, ყირგიზეთი, მოლდოვა, ტაჯიკეთი, თურქმენეთი, უზბეკეთი და უზბეკეთი, ასევე აფხაზეთი და სამხრეთ ოსეთი. რაც შეეხება საქართველოს, კრემლის მიერ გამოქვეყნებულ ტექსტში ნათქვამია, რომ პუტინი გამარჯვების დღეს ქართველ ხალხს (და არა ხელისუფლებას) ულოცავს. პუტინის ჩამონათვალში საერთოდ ვერ მოხვდა უკრაინა.
