ნატო-ში საქართველოს ელჩის ალექსანდრე მაისურაძის განცხადებით, ალიანსის წევრები, ყოველ შეხვედრაზე საქართველოს მიმართ სრულ მხარდაჭერას აფიქსირებენ.
,,საქართველოსთან მიმართებაში ალიანსის დამოკიდებულება ერთმნიშვნელოვნად დადებითია, რადგანაც საქართველო ძალიან აქტიური პარტნიორი სახელმწიფოა, რომელიც ბევრ საკითხში, ბევრ განზომილებაში, უკვე წარმოაჩენს თავის თავს, როგორც ალიანსის წევრი ქვეყანა“, - აღნიშნა მაისურაძემ ტელეკომპანია ,,რუსთავი 2” - ის ეთერში.
მისივე თქმით, ალიანსის ინტერესშია მოქცეული ნატოს საწვრთნელი ცენტრის ადგილი
საქართველოში.
,,მინდა გითხრათ, რომ რამდენიმე ვარიანტი განიხილება და ხაზი მინდა გავუსვა, რომ გადაწყვეტილების მიღება ერთობლივად მოხდება. ამ ყველაფრის მთავრ მიზანს წარმოადგენს ის, რომ ქართულმა შენაერთებმა ალიანსის სწრაფი რეაგირების შენაერთებში მიიღონ მონაწილეობა“, - განმარტა ელჩმა.
მისი ინფორმაციით, ალიანსის საგარეო საქმეთა მინისტარეიალს, რომელიც რამდენიმე დღეში ანტალიაში გაიმართება, საქართველოს საგარეო საქმეთა მინისტრი თამარ ბერუჩაშვილიც დაესწრება. გარდა ამისა, ნატო-ს საპარლამენტო ასამბლეის სხდომა ჩატარდება, რომლის მუშაობაშიც საქართველოს დელეგაცია მიიღებს მონაწილეობას.
ამასთან, ნატო-ში საქართველოს წამომადგენლობას საქართველოს თავდაცვის ახალ მინისტრთან უკვე ჰქონდა კომუნიკაცია და მისგან დავალებებიც მიიღო.
შეგახსენებთ, ალექსანდრე მაისურაძე ელჩად მუშაობას ერთი კვირის წინ შეუდგა.
