ქართულ ავიაბაზარს კიდევ ერთი უცხოური მოთამაშე შეემატება. გავრცელებული ინფორმაციით, თურქმენული ავიაკომპანია Turkmenistan Airlines -ი საქართველოს მიმართულებით გეგმავს რეისების განხორციელებას. თუმცა Turkmenistan Airlines-ი აშხაბადი-თბილისის მიმართულებით კვირაში რამდენ რეისს განახორციელებს ამ დროისათვის დაკონკრეტებული არ არის.
ის, რომ ქართული ავიაბაზარი Turkmenistan Airlines-ს აინტერესებს, ინფორმაციას საქართველოს სამოქალაქო ავიაციის სააგენტოშიც ფლობენ, თუმცა ვინაიდან კომპანიას სააგენტოში ოფიციალური განაცხადი ჯერ არ წარუდგენია, უწყებას ფრენების სიხშირის შესახებ ინფორმაცია არ აქვს.
