თავდაცვის ყოფილი მინისტრი ირაკლი ალასანია პრემიერ-მინისტრს ირაკლი ღარიბაშვილს პასუხობს და მასთან შეხვედრას ადასტურებს. ალასანიამ ჟურნალისტებთან საუბრისას ის მიზეზები განმარტა, რის გამოც პრემიერს შეხვდა.
"მინდა შევეხო იმ საუბარს, რომელიც ახსენა ღარიბაშვილმა, ეს საუბარი შედგა მაშინ როცა მივიღე უტყუარი მონაცემები, რომ მისი ახლო წრე იყო ჩართული ,,დელტაკომის” მხარეს ამ საქმის პოლიტიზირებაში. მეორე, როდესაც ასევე უტყუარი ინფორმაცია შევიტყვე, რომ ბიძინა ივანიშვილთან თავის საზაფხულო რეზიდენციაში შეხვედრა ჰქონდა პროკურატურის წარმომადგენლებს, სადაც დავალება მიიღეს მისგან, რომ ეს საქმე შეეკერათ ჩემი და ,,თავისუფალი დემოკრატების” წინააღმდეგ," - განაცხადა ირაკლი ალასანია
შეგახსენებთ, რომ გუშინ პრემიერმა ღარიბაშვილმა ,,თავისუფალ დემოკრატებთან” შეხვედრისას განაცხადა, რომ თავდაცვის ყოფილი მინიტრი ალასანია მას კაბელების საქმეში ჩარევას და პროკურატურის წარმომადგენლებთან შეხვედრის ორგანიზებას სთხოვდა.
