საქართველოს პრემიერ-მინისტრის ირაკლი ღარიბაშვილის განცხადებით, შედგენილი ნუსხიდან რამდენიმე საპრივატიზაციო ობიექტი უკვე გაიყიდა, იმპორტში შეინიშნება კლება და შესაბამისად, ლარის სტაბილიზაცია ორ-სამ კვირაშია მოსალოდნელი.
,,რამდენიმე ობიექტის გაყიდვა უკვე მოხდა. ასევე ჩვენ ველოდებით გარდაბნის თბოელექტოსადგურის გაყიდვას, რაც დამატებით, დაახლოებით, 300 მილონ დოლარს შემოიტანს ქევეყანაში’’,- განაცხადა პრემიერმა.
მისივე თქმით, დადებითი ტენდენციები შეინიშნება ტურიზმის მიმართულებითაც, ლარის სტაბილურობაზე კი ძირითადი პასუხისმგებლობა ეროვნულ ბანკს ეკისრება, თუმცა მთავრობა ყველაფერს აკეთბს, რომ ეროვნული ვალუტა გამყარდეს.
"აპრილის წინასწარი მონაცემებით, იმპორტში გაქვს კლება, რაც იმაზე მიგვანიშნებს, რომ ლარის სტაბილიზაცია დაიწყება უახლოეს ერთ-ორ კვირაში, ასე რომ, ჩვენი და ეროვნული ბანკის პროგნოზებით, თუმცა მე არ მინდა მათ ნაწილზე ვისაუბრო, ეს სწორედ ეროვნული ბანკის პრეროგატივაა და უმჯობესია მათ გააკეთონ განმარტებები, ჩვენ ველოდებით, რომ ლარის სტაბილიზაცია დაიწყება უახლოეს ორ-სამ კვირაში. კიდევ ერთხელ გეტყვით, რომ თქვენი განცხადებები და ის დემაგოგია, რომელსაც ისმენს მოსახელობა ყოველდღიურად და იმ აჟიოტაჟს, რასაც თქვენ ქმნით ხელოვნურად ქვეყანაში, ეს, რა თქმა უნდა, სიტუაციის დარეგულირებას ხელს არ უწყობს და, რა თქმა უნდა, ეს ქმნის აჟიოტაჟის ფონს", - განაცხადა ღარიბაშვილმა.
