დედამიწის საერთაშორისო დღეს საქართველოც უერთდება. გარემოს დაცვის სამინისტროს ინფორმაციით, თბილისის ზოოპარკში დღეს დედამიწის დღის აღსანიშნავად დარგვის აქცია გაიმართება. ღონისძიებას საქართველოს გარემოსა და ბუნებრივი რესურსების დაცვის მინისტრის მოადგილე მაია ბითაძე დაესწრება. გაიმართება ნარჩენების მდგრადი მართვის თემაზე შემუშავებული პოსტერების გამარჯვებულების დაჯილდოება და გარემოსდაცვის თემაზე შექმნილი ნახატების გამოფენა. დედამიწის დღე პირველად 1970 წლის 22 აპრილს აშშ-ში აღინიშნა და ის მსოფლიოში ერთ-ერთი ყველაზე მასშტაბური გარემოსდაცვითი ღონისძიებაა.