იუსტიციის მინისტრი თეა წულუკიანი ინტერპოლის ძებნილთა სიიდან ყოფილი მაღალჩინოსნის ზურაბ ადეიშვილისთვის ამოღებას ეხმიანება და აცხადებს, რომ საქართველოს პროკურატურამ ყველაფერი გააკეთა რომ იმისთვის, რომ იგი ინტერპოლის წითელ ცირკულარში ყოფილიყო შეტანილი.
,,ამ ეტაპზე, არ ვიცით, თუ რომელმა ქვეყანამ გააკეთა ეს და, რომელმა ქვეყანამ მიანიჭა თავშესაფარი და დაიცვა ადამიანი, რომელსაც სავარაუდოდ, ძალიან ბევრი ცუდი აქვს საქართველოში გაკეთებული. პროკურატურამ ყველაფერი გააკეთა იმისთვის, რომ ეს ადამიანი წითელ ცირკულარში ყოფილიყო შეტანილი, თუმცა როგორც აღმოჩნდა, არის ქვეყანა, ვინც თავშესაფარი გასცა და მოახსნევინა ინტერპოლს ადეიშვილი ძებნიდან. ის წერილი, რომელიც ინტერპოლისგან არის მიღებული, სწორედ აქცენტს აკეთებს იმაზე, რომ თავშესაფრის სტატუსის გამო მოხსნილია ეს ადამიანი ძებნიდან",-აღნიშნა თეა წულუკიანმა.