ყოფილი პრემიერი ბიძინა ივანიშვილი ,,ნაცმოძრაობის” დეპუტატის ირმა ინაშვილის განცხადებას აბსურდულს უწოდებს და აცხადებს, რომ მის სასაცილოა მათი მხრიდან გამოთქმული კრიტიკა.
,,, სასაცილო იყო ძალიან ავეჯის კრიტიკა რომ განახორცილეს, რა ციფრები იყო ერთი სკამს ფასს ასახელებდნენ 24 ნაცვლად, რეალურად იქ ძალიან დაბალი ფასი იკვეთება. ნახეთ საპირისპირო, მილიონახევრის იგივე პრემიერისთვის და პრემიერის ოფისისთვის როგორ ჰქონდათ წინასწარ ნაყიდი ავეჯი და უკვე საწყობში ეწყობთ. რაც მთავარია ვინ, ვის აკრიტიკებს ირმა ნადირაშვილი ბედავს ამას”, -განაცხადა ივანიშვილმა.
,,ნაცმოძრაობის” დეპუტატმა ირმა ნადირაშვილმა პრემიერ-მინისტრის ირაკლი ღარიბაშვილის მიერ იტალიაში შეკვეთილი ავეჯის ნუსხა, ფოტოები და ღირებულება წარმოადგინა. როგორც პარტიის ოფისში გამართულ პრესკონფერენციაზე დეპუტატმა განაცხადადა პრემიერმა იტალიაში 181 401 ლარის ღირებულების ავეჯი შეუკვეთა
დეპუტატის განცხადებით, პრემიერ-მინისტრისთვის შეკვეთილი ავეჯის ჩამონათვალშია სავარძლები, სამზარეულოს მაგიდა, სამზარეულოს სკამი, ორადგილიანი დივანი, საწოლი ბატუტით, ორთოპედიული მატრასი და ა.შ.
ნადირაშვილის განცხადებით, ქვეყანაში არსებული ეკონომიკური კრიზისის ფონზე მთავრობას არ სურს, უარი თქვას თუნდაც იმ ელემენტარულ ფუფუნებაზე რასაც მსგავსი ნივთების შეძენა ქვია.
,,პრემიერ-მინისტრმა ირაკლი ღარიბაშვილმა იტალიაში შეუკვეთა რბილი ავეჯი, სწორედ ის რბილი ავეჯი რომლის შესყიდვა თავისივე ხელმოწერით აკრძალა. ხელშეკრულება გაფორმებულია ორ კომპანიასთან ,,ლაივსტილთან“ და ,,იტალ დიზაინთან”. ,,ლაივსტილთან“ _26 ათასი ევროს ფარგლებში და პრემიერისთვის იტალიაში შეუკვეთეს სავარძელი_ 5 760-ლარი, სკამები_11 ათას ორასოცდათორმეტი ათასი ლარი,ორი მაგიდა 3 ათას 192 ლარი, ორი მაგიდა ორი ათას 160-ლარი, ორი მაგიდა ორი ათას 780 ლარი, დივანი 19 ათას 104-ლარი, სავარძლები 25 ათას 344 ათასი ლარი”, _განაცხადა ნადირაშვილმა.
ნადირაშვილის განცხადებით, რაც შეეხება ,,იტალ დიზაინს” აქ ხელშეკრულება გაფორმებულია 41 ათასი ევროს ფარგლებში.
მთავრობის ადმინისტრაციის უფროსის მაია ცქიტიშვილის განცხადებით, კი ავეჯი შეძენილი არ არის პრემიერისთვის, არამედ იმ სივრცისთვის რომელიც მთავრობის ადმინისტრაციაში იქმნება.
ამასთან ცქიტიშვილი ჟურნალისტებთან საუბრისას აცხადებს, რომ ნადირაშვილმა არასწორი ციფრები დაასახელა.