საქართველოს პოლიტსაბჭო არ მართავს, საქართველოს მართავს სუს-ი. ეს არ არის ახალი ამბავი. არ იცით ამის შესახებ? მე სულ ვამბობდი და ახლაც ვამბობ, რომ ქვეყანას სუს-ი მართავს, - ასე მიმართა თოქ-შოუ „არჩევანის“ პირდაპირ ეთერში „თავისუფალი დემოკრატების“ წევრმა ნინო გოგუაძემ საპარლამენტო უმრავლესობის წევრს ირაკლი სესიაშვილს.
გოგოუაძის განცხადებით, ძალადობა არის ამ ხელისუფლების იდეოლოგია, რადგან ამ ძალადობაზე, ამ შურისძიებაზე, ამ დაშინებაზე დგას „ქართული ოცნება“ დღეს, როდესაც ხალხს ეუბნება - ხალხო, აი ეს დამნაშავე რეჟიმი მოვა, ჩვენ თუ არ დაგვიჭერთ.
"ვფიქრობ, რომ ძალადობა არის ამ ხელისუფლების იდეოლოგია, რადგან ამ ძალადობაზე, ამ შურისძიებაზე, ამ დაშინებაზე დგას „ქართული ოცნება“ დღეს, როდესაც ხალხს ეუბნება - ხალხო, აი ეს დამნაშავე რეჟიმი მოვა, ჩვენ თუ არ დაგვიჭერთ მხარს. ეს ძალადობა ამიტომაც არ ცხრება. ამიტომაც ვამბობ, რომ, სამწუხაროდ, პოლიტიკის იდეოლოგიის ნაწილი გახდა ძალადობა. ქართველი ხალხი, საზოგადოება ამის ღირსი არ არის“, - განაცხადა ნინო გოგუაძემ.