რუსეთი დაინგრევა, თუ პოლინეთზე ან რომელიმე სხვა ქვეყანაზე თავდასხმას გაბედავს.
ამის შესახებ ტელეარხ TVN24 BiS-ის ეთერში პოლონეთის ექს-პრემიერმა და ,,სოლიდარობის” ყოფილმა ლიდერმა ლეხ ვალენსამ განაცხადა.
,,თუ რუსეთი გარიკსავს და თავს დაესხმის პოლონეთს ან სხვა ქვეყანას, ის დაინგრევა. ის გახდება პატარა ქვეყანა 20 მილიონიანი მოსახლეობით, ვინაიდან მას ჰყავს 50 ეროვნების ხალხი. მე ვხედავ, რაც მოხდება რუსეთში... რა თქმა უნდა, 10 მილიონზე მეტი ადამიანი დაიღუპება და უმჯობესია, ეს არ მოხდეს.” - განაცხადა ვალენსამ.
მან ასევე აღნიშნა, რომ მზადაა თავადაც აიღოს ხელში იარაღი, თუკი ვინმე პოლონეთის მიწაზე დაუკითხავად დაადგამს ფეხს.
,,სოლიდარობის” ყოფილმა ლიდერმა იმაზეც გაამახვილა ყურადღება, რომ პოლონეთმა იარაღით უნდა მოამარაგოს უკრაინა, რომელსაც დღეს ,,მწვანე კაცუნები” ანაწევრებენ.
,,რუსეთი ამტკიცებს, რომ ის უკრაინის კონფლიქტთან არაფერ შუაშია და ამიტომ მისი შიდა პოლიტიკის შესახებ კომენტარების გაკეთება მისი საქმე არ არის.” - განაცხადა ვალენსამ.