მთავარი საფრთხე ჩვენ ახლა გვაქვს უმოქმედობისგან. ამის შესახებ "თავისუფალი დემოკრატების" ლიდერმა ირაკლი ალასანიამ ნატო-ს საწვრთნელი ცენტრის შესახებ განაცხადა.
"ჩვენი გადაწყვეტილება უელსის სამიტზე ერთობლივი მიღებული იყო, რომ იქნებოდა ერთობლივი საწვრთნელი ცენტრი. აქედან გამომდინარე, მე მეტ ინფორმაციას მივიღებ ნატოსგან მომავალ კვირას და შესაბამის განცხადებას გავაკეთებ”, - განაცხადა ალასამიამ.
მისივე თქმით, ერთადერთი რისკი, რომ საქართველოში ნატოს სასწავლო ცენტრის განხსნის შესახებ გადაწყვეტილება არ შესრულდეს, ეს არის ექპანსიური აგრესია,
„ერთადერთი რისკი, რომელიც აქ არის, არის ის რომ თუ ეს არ შესრულდა ის ექპანსიური აგრესია, რომელიც მოდის რუსეთის მხრიდან უშუალოდ და პირდაპირ გახდება ისევ საფრთხე საქართველოსთვის, როგორიც ეს იყო ოთხმოცდაათიანი წლების დასაწყისში, როგორც ეს მოხდა 2008 წელს. მთავარი საფრთხე ჩვენ გვაქვს ეხლა უმოქმედობისგან, რომ საქართველოში არ განხორციელდეს ის უსაფრთხოების პროექტები, რომლებიც დავგეგმეთ უელსის სამიტზე", - განაცხადა ალასანიამ.
შეგახსენებთ, რომ საქართველოში ვიზიტით ნატო-ს შემფასებელთა ჯგუფი იმყოფება. დელეგაციის ვიზიტის მიზანი ნატო-საქრთველოს არსებითი პაკეტით გათვალისწინებული ერთობლივბი წვრთნებისა და შეფასების ცენტრის დაარსებისთვის არსებული შესაძლებლობებისა და ინფრასტრუქტურის შეფასებაა.
