თურქულ მედიაში გავრცელებულ ინფორმაციასთან დაკავშირებით საგარეო უწყება სტამბულში საქართველოს გენერალური კონსულის ირაკლი ასაშვილის სატელეფონო კომენტარს ავრცელებს. კონსული კატეგორიულად უარყოფს გავრცელებულ ინფორმაციას, თუმცა აცხადებს, რომ სტატიაში ნახსენები ქალი ნამდვილად მისი მეგობარია და კარგი ურთიერთობა აქვს.
,,გაზეთის მიერ გავრცელებული ინფორმაცია არ შეესაბამება სიმართლეს. ის ქალბატონი რომლიც ნახსენებია სტატიაში, ნამდვილად ჩემი მეგობარია და გვაქვს ძალიან კარგი ურთიერთობა. ის თავადვე აღშფოთებულია ამ ფაქტით. რაც შეეხება გაზეთით გავრცელებულ ცრუ ინფორმაციას ჩვენ ერთობლივად მოვახდენთ შესაბამის რეაგირებას ამასთან დაკავშირებით”, _განაცხადა ირაკლი ასაშვილმა.
სტამბულში საქართველოს გენერალურ კონსულს მეგობარი გოგონას ცემაში ადანაშაულებენ.
თურქული გაზეთის "ჰარიეტის" ინფორმაციით, ირაკლი ასაშვილმა მოლდოველ პარტნიორს ფიზიკური შეურაცხყოფა მიაყენა.
შედეგად გოგონას სახეზე პლასტიკური ოპერაცია დასჭირდა.
გამოცემა წერს, რომ წყვილი ორი წელია ერთად ცხოვრობს. ბოლო თვეების განმავლობაში კი მათ ურთიერთობა დაეძაბათ.