ბიზნესსექტორის წარმომადგენლებისთვის კვლავ აქტიური რჩება თემა შემოწმებების სიხშირესა და შემოწმებების ვადებთან დაკავშირებით, - განაცხადა ექსპერტმა ეკონომიკის საკითხებში, ლევან კალანდაძემ. მისი თქმით, ეს პრობლემა განსაკუთრებით შეინიშნება ნავთობპროდუქტების იმპორტიორი და რეალიზატორი კომპანიების მიმართულებით.
"ის მანკიერი პრაქტიკა, რაც წარსულში თან ახლდა საგადასახადო შემოწმებებს საწარმოების დალუქვების და საქმიანობის შეჩერების კუთხით, დღეს მინიმუმამდეა დაყვანილი. თუმცა, ბიზნესის სექტორის წარმომადგენლებისთვის კვლავ აქტიური რჩება თემა შემოწმებების სიხშირესა და შემოწმებების ვადებთან დაკავშირებით.
კონკურენციის სააგენტომ მაქსიმალურად შემჭიდროვებულ ვადებში უნდა უზრუნველყოს ნავთობპროდუქტების ბაზრის კვლევის დასრულება და საზოგადოებას წარმოუდგინოს შესაბამისი დასკვნები. მაქსიმალურად გამჭირვალე პირობებში კვლევის განხილვის უზრუნველყოფა ხელს შეუწყობს, ნავთობპროდუქტების ფასების ირგვლივ არსებულ კითხვებზე პასუხის გაცემას“, - ლევან კალანდაძე.
