რუსეთის ექს-პრემიერი ევგენი პრიმაკოვი მიიჩნევს, რომ მოსკოვმა უნდა ითანამშრომლოს აშშ-სთან და ნატო-სთან კაცობრიობის წინააღმდეგ რეალური საფრთხეების საკითხში; რომ ფერადი რევოლუცია რუსეთის არ ემუქრება; ხოლო ეკონომიკას გადაარჩენს დივერსიფიკაცია და „რეალური ფერედალიზმი“;
„“ფერადი რევოლუციის“ საფრთხე რუსეთისთვის არ არსებობს, იმის მიუხედავად, რომ ამაზე საუბრობენ დასავლურ მედიაში, ქვეყნის მთავარ პრობლემას კი ეკონომიკა და ცხოვრების ყველა სფეროს ცენტრალიზება წარმოადგენს. ამის შესახებ პრომაკოვმა „მერკური კლუბის“ სხდომაზე განაცხადა.
რაც შეეხება რუსეთის საგარეო პოლიტიკას, პრიმაკოვმი მიიჩნევს, რომ არანაირი საუბარიც არ უნდა იყოს რუსეთის იზოლაციაზე და მოსკოვმა, სანქციების მიუხედავად, უნდა განავითაროს ურთიერთობები როგორც დასავლეთის ასევე აღმოსავლეთის ქვეყნებთან.
პრიმაკოვი დარწმუნებულია, რომ რუსეთმა უნდა აღიაროს უკრაინის სამხრეთ-აღმოსავლეთი, როგორც უკრაინის ნაწილი და ამ პოზიციიდან აწარმოოს მოლაპარაკებები აშშ-სთან და ევროპასთან.
მან ასევე აღნიშნა, რომ ყირიმი და სევასტოპოლი არ უნდა გახდეს პრობლემა საერთაშორისო მოლაპარაკებებში.
პრიმაკოვი მიიჩნევს, რომ რუსეთმა უნდა იტანამშრომლოს აშშ-სტან და ნატოსთან კაცობრიობის წინააღმდეგ არსებული გამოწვევების - ტერორიზმი, ნარკოვაჭრობა, კონფლიქტების სფეროებში.
„ასეთი თანამშრომლობის გარეშე, რუსეთი როგორც ზესახელმწიფო, დაიკარგება“, - აცხადებს პრიმაკოვი.
მისივე თქმით, უახლოესი ორი წლის განმავლობაში ხელისუფლებამ უნდა მოახდინოს ეკონომიკის რეალური დივერსიფიცირება და რეგიონებს მიეცეთ მაქსიმალური დამოუკიდებლობა.
პრიმაკოვი მიიჩნევს, რომ „რეალური ფედერალიზმს“ შეუძლია იპოვოს გამოსავალი ეკონომიკური კრიზისიდან.
მან ასევე აღნიშნა, რომ მრავალეროვან სახელმწიფოში ფედერალიზმის არ არსებობა - მისი არადემოკრატიულობის მაჩვენებელია.
