,,თავისუფალი დემოკრატების” წევრი ნინო გოგუაძე პარლამენტის რიგგარეშე სხდომის ჩაშლას ეხმიანება და აცხადებს, რომ უმრავლესობაში არ აღმოჩნდა არც ერთი დეპუტატი, რომელსაც გაახსენდებოდა წინასაარჩევნო მთავარი დანაპირები, რომ შექმნიდნენ ისეთ სახელმწიფოს სადაც ინსტიტუტები მართავენ და ინსტიტუტებს ექნებათ ერთმანეთის მიმართ პატივისცემა.
,,სამარცხვინოა ის, რომ არ აღმოჩნდა უმრავლესობის არც ერთი დეპუტატი, რომელსაც გაახსენდებოდა თუნდაც თავისი ბრძოლის ერთ-ერთი მთავარი დანაპირები, რომ ჩვენ შევქმნით სახელმწიფოს, სადაც ინსტიტუტები მართავენ და ინსტიტუტებს ექნებათ ერთმანეთის მიმართ პატივისცემა''_აცხადებს გოგუაძე.
პარლამენტის რიგგარეშე სხდომა, კვორუმის უქონლობის გამო, არ ჩატარდა.
სხდომის გახსნის წინ ჩატარებული რეგისტრაციის შედეგების მიხედვით, სხდომათა დარბაზში პარლამენტის წევრთა საკმარისი რაოდენობა არ იმყოფებოდა, რეგისტრაცია მხოლოდ 31-მა დეპუტატმა გაირა.
რეგლამენტის მიხედვით, პლენარული სხდომა უფლებამოსილია, თუ მას ესწრება პარლამენტის სრული შემადგენლობის უმრავლესობა - 76 დეპუტატი.
რეგლამენტის თანახმად, ხელახალი რეგისტრაცია კიდევ ორჯერ, 15 და 45 წუთის შემდეგ ჩატარდა, თუმცა აღნიშნული პროცედურა შესაბამისად 34-მა და 41-მა დეპუტატმა გაიარა.
