,,მოლოდინი არ გვაქვს, რომ მთავრობას ექნება დაწერილი გეგმა”, - ამის შესახებ, ,,თავისუფალი დემოკრატების” წევრმა ნინო გოგუაძემ პარლამენტში დაგეგმილ ეკონომიკური გუნდის მინისტრების საკომიტეტო მოსმენასთან დაკავშირებით განაცხადა.
გოგუაძე აცხადებს, რომ აღნიშნული კომიტეტის სხზდომით უმრავლესობას სურს გაამართლოს ხვალ დაგეგმილი პარალემნტის რიგარეშე სხდომის ჩაშლა.
"ასეთი გეგმა მგონია, რომ არარსებობს. ძალიან სასიამოვნოდ გამიკვირდება თუ დაწერილ, გაწერილ გეგმას წარმოადგენენ კომიტეტზე, მაგრამ მთავარი მინდა გითხრათ, რომ შოუ არის სწორედ ეს კომიტეტი, რომელიც მოიწვიეს იმიტომ, რომ გაამართლონ ხვალინდელი სხდომის ჩაშლა", - განაცხადა გოგუაძემ.
შეგახსენებთ, დღეს, 12 მარტს, ხუთშაბათს, ქვეყანაში არსებულ ეკონომიკურ-ფინანსურ მდგომარეობასთან დაკავშირებით, პარლამენტის დარგობრივი ეკონომიკისა და ეკონომიკური პოლიტიკის კომიტეტის სხდომა გაიმართება, სადაც ეკონომიკური ბლოკის მინისტრებს მოუსმენენ.
შეხვედრა 15:00 საათზეა ჩანიშნული, სადაც ასევე ასევე ეროვნული ბანკის პრეზიდენტს გიორგი ქადაგიძეს ელოდებიან.