კოალიცია ,,ქართული ოცნების" წევრი ზაქარია ქუცნაშვილი უზენაესი სასამართლოს თავმჯდომარეობისთვის იბრძოლებს.
ქუცნაშვილის თქმით, იგი უზენაესი სასამართლოს თავმჯდომარეობის შემთხვევაში მზად არის პარლამენტის რიგები დატოვოს.
,,თუ პრეზიდენტი და პარლამენტი მხარს დაუჭერენ ჩემს კანდიდატურას, ვდგები იმ ვალდებულების წინაშე, რომ დავტოვო მმართველი პარტიის წევრობა. ვიცნობ რა გიორგი მარგველაშვილს, ის არ დაუშვებს პოლიტიკური ნიშნით ადამიანთა დაყოფას და დისკრიმინაციას. მე გამოვრიცხავ პრეზიდენტ მარგველაშვილის მხრიდან დისკრიმინაციას",- აღნიშნა ქუცნაშვილმა
შეგახსენებთ, რომ ქუცნაშვილი უზენაესი სასამართლოს თავმჯდომარის კანდიდატად 11-მა წამყვანმა აკადემიურმა და საზოგადოებრივმა ორგანიზაციამ წარდგინა.
მასალის გამოყენების პირობები
