7-8 თებერვალს, გუდაურში, სამთო-სათხილამურო სპორტში, ჟურნალისტებს შორის ფესტივალის „ნიამორის" რიგით მე-10 ტურნირი გაიმართება. ღონისძიებას ტრადიციულად საქართველოს სპორტისა და ახალგაზრდობის საქმეთა სამინისტრო, ეროვნული ფედერაციის „სპორტი ყევლასათვის", მთის კურორტების განვითარების კომპანიასთან და „ვისოლ ჯგუფთან" ერთად ატარებს.
შეჯიბრში ტრადიციულად საქართველოში აკრედიტებული მედია-საშულებების გუნდები მონაწილეობენ. ასპარეზობა, რომელიც როგორც ქალთა, ასევე ვაჟთა შორის საუკეთესო ჟურნალისტ მოთხილამურეებს გამოავლენს, რიგით მე-10 პირველობის საუკეთესო მედია გუნდსაც დაასახელებს. 2015 წლის საუკეთესო მედია გუნდს გარდამავალი თასი (ეს თასი 8-ჯერ გათამაშდა) გადაეცემა, რომელიც ამ ეტაპზე გასული წლის საუკეთესო გუნდის GDS-ის ოფისში ინახება. მანამდე, გარდამავალ თასს 3-ჯერ „ტელე-იმედი", ორ-ორჯერ კი „რუსთავი 2" და „ნიამორი" ფლობდნენ.
წლევანდელ მედია-პირველობაზე მონაწილეობის სურვილი გამოთქვეს: ტელე-იმედის, რუსთავი 2-ის, საზოგადოებრივი მაუწყებლის, GDS-ის, რადიო იმედის, რადიო ფორტუნას, ჯაკოს, პალიტრა ტვ-ს, მედია ნაკრებმა და ნიამორის გუნდებმა (ეს გუნდები სხვადასხვა მედია-საშუალებებში მომუშავე ჟურნალისტებითაა დაკომპლეტქებული). შეჯიბრის მსვლელობისას სახელობით პრიზებს რჩეულ გუნდებს გადასცემენ მთის კურორტების განვითარების კომპანია, ეროვნული ფედერაცია „სპორტი ყველასათვის" და „ვისოლ ჯგუფი". მეორე წელის გუდაურში გამართულ მედია-ტურნირზე რჩეულებს გუდაურის დამაარსებლის სოლიკო ხაბეიშვილის თასი და „ნიამორის" მედია-შეჯიბრების ყველაზე ტუტულოვანი მონაწილის „წირას" სახელობითი თაისიც გადაეცემათ. ტურნირზე ასევე ტრადიციულად გამოვლინდებიან ბოლო ადგილზე გასული მოთხილამურე ჟურნალისტები, რომლებსაც სიმბოლური პრიზები „ჩაიდნები" გადაეცემათ. 2015 წლის მედია-ტურნირის თანაორგანიზატორები არიან: „ვისოლი", „სმარტი", „ვენდი" „დანქინ დონატსი'. საინფორმაციო მხარდამჭერია სამაწყებლო კომპანია „რუსთავი 2" და ფორტუნა.
ტურნირისადმი მიძღვნილი პრესკონფერენცია 4 თებერვალს 12:00 სპორტისა და ახალგაზრდობის საქმეთა სამინისტროში გაიმართება.