სიტყვიერი დაპირისპირების გამო პარლამენტში ნახევარსაათინი შესვენება გამოცხადდა. დაპირისპირება კანონმდებლებში ,,ნაცმოძრაობის" დეპუტატის აკაკი ბობოხიძის განცხადებას მოჰყვა.
მანამდე კი საპარლამენტო უმრავლესობა ბობოხიძისგან დეკემბრის სესიაზე მომხდარ ინციდენტთან დაკავშირებით ბოდიშის მოხდა მოითხოვა, რაც დაპირისპირების საგანიც გახდა.
,,შემიძლია ხატზე დავიფიცო, რომ მომხდარი ძალიან მაწუხებდა. პირველ რიგში თუ ვინმე დავაზიანე, დავაზიანე საკუთარი თავი, თუმცა როცა დავით საგანელიძე ამბობს, რომ უცენზურო სიტყვებს მხოლოდ აკაკი ბობოხიძე იყენებს, ასე არ არის ბატონებო", -განაცხადა აკაკი ბობოხიძემ.
შეგახსენებთ, რომ პარლამენტის საგაზაფხულო სესიის პირველი პლენარული სხდომა დღეს გაიხსნა.
სხდომას 93 დეპუტატი ესწრება.
პლენარული სხდომა საქართველოს ჰიმნით გახსნა. ასევე კანონმდებლებმა წუთიერი დუმილით პატივი მიაგეს თამაზ ავდალიანის ხსოვნას .
