თბილისის მუნიციპალიტეტის საკრებულოს ისნის რაიონის მაჟორიტარი დეპუტატის და ფრაქცია „ქართული ოცნების" წევრის ზურაბ ნეფარიძის ინიციატივით და თბილისის №4 საოჯახო მედიცინის ცენტრის - ისნის ფილიალის მხარდაჭერით ნავთლუღის მოსახლეობას უფასო სამედიცინო გამოკვლევები ჩაუტარდა.
პოლიკლინისკის 10-მდე ექიმი და წამყვანი სპეციალისტი 200-ზე მეტ მოქალაქეს მოემსახურა.
მაჟორიტარმა დეპუტატმა აღნიშნა,რომ ასეთი აქცია მომავალშიც ჩატარდება როგორც შეძღუდული შესაძლებლობის პირებისთვის ასევე ავადმყოფებისთვის ,რომლებიც ლოგინს არიან მიჯაჭვული და შესაძლებლობა არ აქვთ,გადააადგილდნენ.
გამოკვლევებზე მისული მოსახლეობა ძალიან კმაყოფილი დარჩა ექიმებისა და სპეციალისტების მომსახურების ხარისხით.
დეპუტატმა მადლობა გადაუხადა პოლიკლინიკის დირექტორს ნანა ჩანტლაძეს და მთელ მის კოლექტივს ასეთი თანადგომისათვის.