არასამთავრობოებმა "პანორამა თბილისის" წინააღმდეგ საკრებულოსთან აქცია გამართეს.
არასამთავრობო ორგანიზაციის წარმომადგენლები აცხადებენ, რომ პროექტი საფრთხეს უქმნის ძველი თბილისის ისტორიულ ნაწილს და მისი შემუშავება საზოგადოების აზრის გათვალისწინების გარეშე მოხდა.
აქციის მონაწილეები "პანორამა თბილისის" პროექტის შეჩერებას ითხოვენ.
აქციაზე პროექტის შეჩერების მოთხოვნით შეგროვდა ხელმოწერებიც.
არასამთავრობო ორგანიზაციის წარმომადგენლები გეგმავენ, უახლოეს დღეებში ამ ხელმოწერებით და ასევე პროექტის შეჩერებასთან დაკავშირებით შემუშავებული პეტიციით მიმართონ ეკონომიკის სამინისტროს.
