უზენაესი სასამართლოს მოქმედი თავმჯდომარე კოტე კუბლაშვილი მიიჩნევს, რომ მისი შემცვლელის შერჩევისას ყველაზე მთავარი კრიტერიუმებია კეთილსინდისიერება და კვალიფიკაცია.
"პირველი და ყველაზე მთავარი აქ არის კეთილსინდისიერება და მეორე, კვალიფიკაცია იმ სფეროში რაშიც ის საქმიანობს. ეს ორი მთავარი პრინციპი იქნება ჩემი აზრით, ასარჩევად და დანარჩენი უკვე პრეზიდენტის გადასაწყვეტია, მან უნდა შეარჩიოს კანდიდატი. ჩემი აზრით, ის სწორედ ამ კრიტერიუმებს გაითვალისწინებს, როდესაც თავის რჩეულს წარმოადგენს", - განაცხადა კონსტანტინე კუბლაშვილმა პრეზიდენტთან შეხვედრის დაწყებამდე.
პრეზიდენტი გიორგი მარგველაშვილი იუსტიციის უმაღლესი საბჭოს წარმომადგენლებს ხვდება.
შეხვედრაზე მთავარი განსახილველი თემა უზენაესი სასამართლოს თავმჯდომარის კანდიდატურის საკითხი იქნება. თუმცა კონრეტული სახელებისა და გვარების განხილვა შეხვედრაზე არ იგეგმება. შეხვედრას უზენაესი სასამართლოს მოქმედი თავმჯდომარე კოტე კუბლაშვილიც ესწრება,
შეგახსენებთ, რომ აღნიშნულ საკითხზე პრეზიდენტმა უკვე გამართა შევედრები პოლიტიკური პარტიის წარმომადგენლებთან და არასამთავრობო სექტორთან.უზენაესი სასამართლოს მოქმედ თავმჯდომარეს უფლებამოსილება თებერვალში ეწურება.
მასალის გამოყენების პირობები
