იური ვაზაგაშვილი თავს არ მოიკლავდა, ის განზრახ მოკლეს, - ამის შესახებ ჟურნალისტებს ბუტა რობაქიძის დედამ ია მეტრეველმა განუცხადა. მისი თქმით, გამორიცხულია, რომ იური ვაზაგაშვილს თავი ამდენი ბრძოლის შემდეგ მოეკლა.
"ეს აფეთქება მოაწყეს იმ მკვლელებმა, რომლებიც დღემდე დაუსჯელები არიან და ეს რა თქმა უნდა, უკავშირდება მისი შვილის საქმეს. შემდეგი მსხვერპლი ამ მკვლელების ალბათ, მე ვიქნები", - განაცხადა ია მეტრეველმა.
იური ვაზაგაშვილის ახლობლები ამ დროისთვის ზურაბ ვაზაგაშვილის სახელობის საზოგადოებრივ დარბაზ "ჯაზუში" არიან შეკრებილები.
იური ვაზაგაშვილი მისი შვილის საფლავზე ააფეთქეს. აფეთქება კასპის რაიონის სოფელ ყარაფალაში. ცნობილი ხდება, რომ საკუთარი შვილის, ზურაბ ვაზაგაშვილის საფლავზე მყოფი იური ვაზაგაშივლი ააფეთქეს. არსებული ინფორმაციით აფეთქება მაშინ მოხდა, როდესაც იური ვაზაგაშვილმა, შვილის საფლავზე ყვავილები მიიტანა. ვაზაგაშვილების ახლობლებისა და ადვოკატის განცხადებით საფლავი დანაღმული იყო.
