დედაქალაქის მუნიციპალიტეტის საკრებულოს ჩუღურეთის რაიონის მაჟორიტარი დეპუტატი და ფრაქცია „ქართული ოცნების" თავმჯდომარე რიმა ბერაძემ საკუთარ საარჩევნო ოლქში 2014 წლის 11 აგვისტოდან 2014 წლის 31 დეკემბრის ჩათვლით განხორციელებული სამუშაოების ანგარიშით წარსდგა.
დეპუტატმა ყურადღება იმ ძირითად საკითხებზე გაამახვილა, რაც მისივე თქმით პრიორიტეტული იყო ჩუღურეთის რაიონში და დაუყოვნებელ რეაგირებას საჭიროებდა.
რიმა ბერაძის განცხადებით, დეპუტატის ბიუროში მოსახლეობასთან ტრადიციული შეხვედრების დღედ ოთხშაბათი იქნა გამოცხადებული, თუმცა იგი კვირის სხვა დღეებშიც ხვდებოდა მოსახლეობას , ეცნობოდა მათ პრობლემებს როგორც ბიუროსა და საკრებულოში, ასევე უშუალოდ ადგილზე.
პრეს-კლუბში გამართულ ბრიფინგზე, რიმა ბერაძემ აქცენტი რაიონში არსებულ მძიმე სოციალურ და ინფრასტრუქტულ ფონზე გააკეთა და როგორც აღნიშნა, ბიუროში შესული 480 განცხადებიდან 98 % დაკმაყოფილებულია, ხოლო დანარჩენი კი განხილვის პროცესშია.
ასეთებია: რაიონში მიწისძვრით დაზიანებული, ავარიული ქუჩების,ჩიხების და ეზოების რეაბილიტაცია, სახლების გამაგრება და გადახურვა, გაუქმებული საბავშვო ბაღების აღდგენა, რაიონში უფასო სასადილოს დამატება, სადაც 400-მდე ბენეფიციარს უწევენ სრულყოფილ მომსახურებას, სოციალურად დაუცველი და მრავალშვილიანი ოჯახების დახმარება და სხვა აქტუალური პრობლემები.
დეპუტატი მოკლედ სამომავლო გეგმებსაც შეეხო და აღნიშნა, რომ ჩუღურეთის რაიონის 2015 წლის ბიუჯეტში გათვლილია სწორედ ის მნიშვნელოვანი და საყურადღებო საკითხები, რომელთა დაძლევისა და განვითარების გზების მოძიების საფუძველზე, იგეგმება სხვადასხვა პროექტების განხორციელება და რომელთა ნუსხასაც იგი ეტაპობრივად გამოაქვეყნებს.
