პრეზიდენტმა გიორგი მარგველაშვილმა მამა ილია კარტოზიას ხსოვნას პატივი მიაგო.როგორც მარგველაშვილმა სვეტიცხოველში ჟურნალისტებთან საუბრისას განაცხადა მის მაგალითზე მომავალი თაობების აღზრდა არის ყველა ჩვენგანის ვალი.
,,ჩვენ მამა ილია კარტოზია დავაჯილდოვეთ სამოქალაქო გმირობისთვის. ეს არის მცირე წვლილი, რაც შეგვეძლო გაგვეკეთებინა, მაგრამ ბუნებრივია, მისი ხსოვნის პატივისცემა და მის მაგალითზე მომავალი თაობების აღზრდა არის ყველა ჩვენგანის ვალი", - განაცხადა გიორგი მარგველაშვილმა.
დღეს, 20 იანვარს "ნორმან ატლანტიკზე" გაჩენილი ხანძრის შედეგად დაღუპულ მამა ილია კარტოზიას ცხედარს მცხეთის დავით აღმაშენებლის სახელობის ტაძრის ეზოში დაკრძალავენ.მამა ილია კარტოზია 28 დეკემბერს ადრიატიკის ზღვაში ბორან „ნორმან ატლანტიკზე" გაჩენილი ხანძრის შედეგად, ევაკუაციის დროს დაიღუპა.
ბორანზე საქართველოს კიდევ 7 მოქალაქე იმყოფებოდა, თუმცა ყველა მათგანი უვნებლად გადარჩა.
