უკრაინაში მებრძოლი "ქართული ლეგიონის" მეთაური მამუკა მამულაშვილი საპატრიარქოს დონეცკში საბრძოლო მოქმედებებისას დაღუპული თამაზ სუხიაშვილის ქაშუეთის ეკლესიაში დასვენების ნებართვას სთხოვს.
"საპატრიარქოს ვთხოვეთ უფლება, თამაზ სუხიაშვილი ჩამოსვენებისთანავე ქაშუეთის ტაძარში დავასვენოთ, როგორც სამშობლოსთვის დაღუპულ ვაჟკაცს შეეფერება. მე მჯერა, პატრიარქი კურთხევას მოგვცემს", - წერს მამულაშვილი სოციალურ ქსელ „ფეისბუქში" პირად გვერდზე.
შეგახსენებთ, რომ თამაზ სუხიაშვილი 18იანვარს დონეცკის აეროპორტის შტურმის დროს დაიღუპა. დაღუპულის ცხედარს ექსპერტიზის ჩატარების შემდეგ საქართველოში გადმოასვენებენ.
მასალის გამოყენების პირობები
