ხვალ, 21 იანვარს, შუღლის გაღვივებისა და ძალადობრივი ქმედებისკენ მოწოდებასთან დაკავშირებით კანონპროექტი პარლამენტის ბიუროზე დარეგისტრირდება. კანონპროექტის ავტორი შინაგან საქმეთა სამინისტროა.
კანონპროექტთან დაკავშირებით უმრავლესობას ერთმანეთისგან განსხვავებული პოზიცია აქვს. საპარლამენტო უმრავლსეობის წევრის, თამარ კორძაიას თქმით, კანონპროექტი პირდაპირ ეწინააღმდეგება სიტყვისა და გამოხატვის თავისუფლებას, რაც კონსტიტუციით არის გარანტირებული.
"მუხლი გამოიწვევს გამოხატვის თავისუფლების შეზღუდვას და რა თქმა უნდა, მედია ორგანიზაციებსაც დაარტყამს. ეს გაცილებით უფრო ფართო პრობლემაა. ეს ეხება ყველა ადამიანს და შეიძლება რომელიმე მოქალაქები ადამიანის განცხადება ჩათვალოს ძალადობისკენ მოწოდებად", - აცხადებს კორძაია.
ირაკლი სესიაშვილი კი აღნიშნავს, რომ სიტყვის თავისუფლება კონსტიტუციით არის გარანტირებული და კანონპროექტი ამ მხრივ საფრთხეს არ წარმოადგენს.
