„პრეზიდენტი ჩართულია პოლიტიკურ თამაშებში, რომელსაც ხელს უწყობს უმრავლესობა"-ეს კომენტარი „ნაციონალური მოძრაობის" წევრმა სერგო რატიანმა „კურიერთან" საუბრისას გააკეთა და აღნიშნა, რომ „ნაციონალური მოძრაობა" მარგველაშვილთან კონსულტაციებზე უარს ამბობს.
მისი თქმით, უზენაესი სასამართლოს თავმჯდომარის კანდიდატად საბოლოოდ წარდგენილი იქნება უმრავლესობის მიერ დასახელებული კანდიდატურა.
თავად უმრავლესობა კი საკუთარი კანდიდატურის დასახელებას უარყოფს. მათი თქმით, ისინი მარგველაშვილის გადაწყვეტილებას ელოდებიან.
შეგახსენებთ, რომ უზენაესი სასამართლოს თავმჯდომარის კანდიდატურაზე მმართველი გუნდი გიორგი მარგველაშვილთან შეხვედრას ამ კვირაში ვარაუდობს.
მასალის გამოყენების პირობები
