საგარეო საქმეთა მინისტრი თამარ ბერუჩაშვილი უკრაინაში დაღუპულ ქართველს სამხედროს თამაზ სუხიაშვილის ოჯახს უსამძიმრებს. როგორც მინისტრმა გარდაცვლილის ოჯახს მთავრობა დაეხმარება.
მინისტრის განმარტებით, დიპლომატიური უწყება სუხიაშვილის საქართველოში გადმოსვენებაზე აქტიურად მუშაობს.
"სახელმწიფო გვერდზე დაუდგება ოჯახს. მინდა კიდევ ერთხელ მივუსამძიმრო დაღუპულის ოჯახს. ის არის ნამდვილად ღირსეული წარმომადგენელი ჩვენი შეიარაღებული ძალების, რომელმაც სერიოზული პროფესიონალური წვლილი შეიტანა საქართველოს მისიებში, მსოფლიოს სხვადასხვა ქვეყნებში", - განაცხადა ბერუჩაშვილმა.
შეგახსენებთ, რომ უკრაინაში, დონეცკთან ახლოს, ბრძოლების შედეგად ერთი ქართველი სამხედრო დაიღუპა და სამი კი დაიჭრა.
გარდაცვლილი ქართველი სამხედრო ხაშურის მკვიდრი თამაზ სუხიაშვილია, რომელიც 25 იანვარს 37 წლის გახდებოდა. იგი საერთაშორისო სამშვიდობო მისიების მონაწილეა. მას მეუღლე და ორი მცირეწლოვანი შვილი დარჩა.
