"ნორმან ატლანტიკზე" გაჩენილი ხანძრის შედეგად დაღუპულ მამა ილია კარტოზიას ცხედარს წირვის შემდეგ სამების საკათედრო ტაძრიდან სვეტიცხოველში გადაასვენებენ. ხოლო ხვალ, 20 იანვარს მცხეთის დავით აღმაშენებლის სახელობის ტაძარში, რომლის წინამძღვარიც თავად იყო.
შეგახსენებთ, რომ მამა ილია კარტოზიას ცხედარი სამშობლოში გუშინ ჩამოასვენეს, რის შემდეგაც სამების საკათედრო ტაძარში მიასვენეს.
სრულიად საქართველოს კათოლიკოს პატრიარქმა მისი სულის მოსახსენებელი პანაშვიდი გადაიხადა. გარდაცვლილის ხსოვნას პატივი ტაძარში მისულმა მრევლმაც მიაგო.
მამა ილია კარტოზია 28 დეკემბერს ადრიატიკის ზღვაში ბორან „ნორმან ატლანტიკზე" გაჩენილი ხანძრის შედეგად, ევაკუაციის დროს დაიღუპა.
ბორანზე საქართველოს კიდევ 7 მოქალაქე იმყოფებოდა, თუმცა ყველა მათგანი უვნებლად გადარჩა.
მამა ილია კარტოზიას ხვალ, 20 იანვარს მცხეთის დავით აღმაშენებლის სახელობის ტაძარის ეზოში დაკრძალავენ.
მასალის გამოყენების პირობები