საგარეო საქმეთა მინისტრის თამარ ბერუჩავილის განცხადებით, ბოლო ორი წლის განმავლობაში სამინისტროს საქმიანობა ყველა პრიორიტეტული მიმართულებით ნაყოფიერი იყო. როგორც მინისტრმა მისი უწყების მიერ ორწლიანი საქმიანობის შეფასებისას განაცხადა ამ კუთხით ერთ-ერთი მნიშვნელოვანი საკითხი საქართველო-ევროკავშირის ხელშეკრულების ხელმოწერაა.
,, სიამაყით აღვნიშნავ, რომ ბოლო ორი წლის განმავლობაში სამინისტროს საქმიანობა ნაყოფიერი იყო საქართველოს საგარეო კუთხით ყველა პრიორიტეტული მიმართულებით. მათ შორის მინდა გამვყო საქართველოსა და ევროკავშირს შორის ასოცირების ხელშეკრულების ხელმოწერა, არსებით ღონისძიებათა პაკეტის მიღება ნატოს უელსის სამიტზე", -განაცხადა ბერუჩაშვილმა.
მისივე განმარტებით, აღსანიშნავია ისიც, რომ ორი სახელმწიფოთი შემცირდა საქართველოს ოკუპირებული ტერიტორიების ამღიარებელი ქვეყნების რიცხვი.
შეგახსენებთ, რომ საგარეო უწყების 2014 წლის საქმიანობის ამსახველი ანგარიშის პრეზენტაციას დიპლომატიური კორპუსის წარმომადგენლები, მინისტრთა კაბინეტის წვერები და სამოქალაქო საზოგადოების წარმომადგენლები დაესწრნენ.
