საგარეო უწყება ქართველი მეზღვაურების შესახებ განცხადებას ავრცელებს, სადაც მითითებულია, რომ საბერძნეთის რესპუბლიკაში საქართველოს საკონსულოს თანამშრომლები დაუკავშირდნენ ბერძნული კომპანია,, Western Mediterranean Shipping" S.A. წარმომადგენელს, რომლის 5 ხომალდზეც დასაქმებული 23 ქართველი მეზღვაური ბენინის სანაპიროსთან იმყოფებიან.
კომპანიის წარმომადგენლის ინფორმაციით, ხუთი გემიდან სამი უკვე მომარაგებულია საკვებით, დანარჩენ ორს, დღეს დღის განმავლობაში მიეწოდება სურსათი. როგორც ,,ჯი-ეიჩ-ენს" საგარეო უწყებიდან აცნობეს ხელფასებსა და მეზღვაურების სამშობლოში დაბრუნებასთან დაკავშირებით, კომპანიის წარმომადგენელმა აღნიშნა, რომ იანვრის ბოლომდე მოგვარდება ფინანსური პრობლემები, რის შემდეგაც კომპანია უზრუნველყოფს მეზღვაურებისთვის ხელფასების გადახდასა და ეტაპობრივად მათ სამშობლოში დაბრუნებას.
