დღეს, 16 იანვარს 12:00 საათზე სასტუმრო "თბილისი მარიოტში" საქართველოს პარლამენტის ჯანმრთელობის დაცვისა და სოციალურ საკითხთა კომიტეტი წარმოადგენს კომიტეტის მუშაობის ორწლიან ანგარიშს და ინფორმაციას სამომავლო საქმიანობის შესახებ.
კომიტეტის ანგარიშში წარმოდგენილი იქნება ჯანმრთელობის დაცვისა და სოციალური სფეროს ის მნიშვნელოვანი საკანონმდებლო ინიციატივები,რომლებზეც ბოლო ორი წლის განმავლობაში იმუშავა კომიტეტმა და მიღებულ იქნა პარლამენტის მიერ. ასევე წარმოდგენილი იქნება კომიტეტის სამომავლოდ დასახული საქმიანობის შესახებ ინფორმაცია.
შეხვედრას დაესწრებიან საკანონმდებლო და აღმასრულებელი ხელისუფლების, თბილისის მერიის, სამოქალაქო საზოგადოების და საერთაშორისო ორგანიზაციების წარმომადგენლები.