პარლამენტში თავდაცვისა და უშიშროების კომიტეტთან არსებულ ნდობის ჯგუფში ქვეყნის წინაშე არსებული საფრთხეების შეფასების დოკუმენტი განიხილეს. როგორც უშიშროების საბჭოს მდივანმა ეკა ტყეშელაშვილმა ჟურნლისტებს განუცხადა, აღნიშნული დოკუმენტი ძველისგან ფუნდამეტურად განსხვავებული დოკუმენტია, სადაც ქვეყნის წინაშე არსებული სააფრთხეების და მათი რეალურად ქცევის მოსალოდნელი შედეგები სიღრმისეულადაა შესწავლილი. კერძოდ, ლაპარაკია სამხედრო პოლიტიკურ სოციალურ-ეკონომიკური და ტექნოგენური ხასიათის საფრთხეებზე.
ტყეშელაშვილის განმარტებით, დოკუმენტში დეტალურადაა ჩამოყალიბებული ის სცენარები, რითაც მოვლენები რომელიმე საფრთხის შემთხვევაში განვითარდება.
მისი განცხადებით, ასევე განხილულია ის საკითხები, რამდენად მაღალია, ძალიან მაღალი, საშუალოდ მაღალი და დაბალი საფრთხეების რისკი.
უშიშროების საბჭოს მდივანის მტკიცებით, საფრთხეების შეფასების დოკუმენტის საფუძველეზე სხვა შესაბამისი დოკუმენტები შემუშავდება, რომელთა განხორციელებამაც ჩვენი ქვეყნის უსაფრთხოება უნდა უზრუნველყოს.
ტყეშელაშვილის თქმით, საბოლოო ვარიანტს დეტალურად სპეციაულური კომისია განიხილავს, რის შემდეგაც იგი უშიშროების საბჭოს სხდომაზე პრეზიდენტის მონაწილეობით განიხილება და დამტკიცდება.
დოკუმენტის კონფიდენციალობიდან გამომდინარე ტყეშელაშვილმა სხვა დეტალები არ დააკონკრეტა.
