ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის დავით ბაქრაძის განცხადებით, საქართველოს უახლოეს 2-3 კვირაში ნატოს გენერალური მდივნის მოადგილე ალექსანდრე ვერშბოუ ეწვევა. როგორც მთავრობის შემდეგ მინისტრმა ჟურნალისტებთან განაცხადა ვიზიტის ფარგლებში გაგრძელდება კონსულტაციები საქართველოს მიერ 2014 წლის წლიური ეროვნული პროგრამის ფარგლებში გატარებულ რეფორმებზე.
,, ბატონი ვერშბოუ საქართველოს უახლოეს მომავალში ესტუმრება, 2-3 კვირაში და გაგრძელდება კონსულტაციები", _განაცხადა მინისტრმა.
დავით ბაქრაძე მთავრობის სხდომის დასრულების შემდეგ გუშინ ნატოს შტაბ-ბინაში ნატო-საქართველოს კომისიის სხდომასაც გამოეხმაურა.
,,ძალიან მაღალი შეფასება დაიმსახურა საქართველოს პროგრესმა და შეფასდა როგორც შთამბეჭდავი. ეს არის დახურული სხდომა და შესაბამისად ამაზე მეტ დეტალებს ვერ გაგიზიარებთ', _განაცხადა ბაქრაძემ.
მასალის გამოყენების პირობები
