ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის სოზარ სუბარის განცხადებით, მინისტრთა კაბინეტის წევრები, სავარაუდოდ, ინდივიდუალურად გადაწყვეტენ დაესწრებიან თუ არა პრეზიდენტის ყოველწლიურ მოხსენებას.
"არ ვიცი, ყველა ალბათ ინდივიდუალურად გადაწყვეტს. წინა გამოსვლის დროს არ გვქონია კონსულტაციები", - განაცხადა სოზარ სუბარმა.
რაც შეეხება თავად სოზარ სუბარს, როგორც მინისტრმა მთავრობის სხდომის შემდეგ განაცხადა მას ჯერ არ გადაუწყვეტია დაესწრება თუ არა პრეზიდენტის საკანონმდებელო ორგანოში სიტყვით გამოსვლას.
შეგახსენებთ, რომ პრემიერი ირაკლი ღარიბაშვილი სავალდებულოდ არ მიიჩნევს, პრეზიდენტის ყოველწლიურ გამოსვას პარლამენტში მთავრობის წევრები დაესწრონ. როგორც ლიკანში ჟურნალისტებთან ღარიბაშვილმა განაცხადა პრეზიდენტის საკანონმდებლო ორგანოში გამოსვლას სიმბოლური დატვირთვა აქვს.
,,ახალი კონსტიტუციით მთავრობა ვალდებული არ არის დაესწროს პრეზიდენტის გამოსვლას. ეს არის სიმბოლური გამოსვლა პარლამენტში და მე არ ვთვლი საჭიროდ, ყოველ შემთხვევაში, რომ ასეთ გამოსვლებს უნდა დაესწროს მთავრობა, მინისტრთა კაბინეტის წევრები და პრემიერი, ეს არის ჩემი პოზიცია, მაგრამ გთხოვთ ამას დიდ მნიშვნელობას ნუ მიანიჭებთ. ასთ გამოსვლებს, წმინდა სიმბოლური დატვირთა აქვს", _განაცხადა პრემიერმა.
