საპარლამენტო უმრავლესობის წევრი ირაკლი სესიაშვილის განცხადებით, ის ვერ ხედავს პრობლემას თუ პარლამნეტში პრეზიდენტის ყოველწლიურ მოხსენებას მთავრობის წევრების არ დაესწრებიან.
მისივე განმარტებით, დეპუტატები ღირსეულად შეხვდება პრეზიდენტის გამოსვლას.
"პირველ რიგში პრეზიდენტის გამოსვლა ჩვენთვის არის ძალიან მნიშვნელოვანი და პარლამენტი ღირსეულად შეხვდება პრეზიდენტის გამოსვლას. მოხარულნი ვიქნებით მოუსმინოთ მის ხედვას ამ წელთან დაკავშირებით და რა პრობლემებს ხედავდა გასულ წლებში და როგორი ხედვა ექნება ჩვენი ქვეყნის განვითარებასთან დაკავშირებით. მე ვერ ვხედავ სიმართლე გითხრათ პრობლემას, მთავრობა დაესწრება, თუ არ დაესწრება, ეს უფრო ფორმალური მხარია", _განაცხადა სესიაშვილმა ჟურნალისტებთან.
შეგახსენებთ, რომ პრეზიდენეტი გიორგი მზადაა ყოველწლიური მოხსენებით დეპუტატების წინაშე ნებისმიერი ფორმატით წარსდგეს.
მარგველაშვილი იმედს გამოქვამს, რომ შარშანდელი პრეცედენტი არ გამეორდება და პრეზიდნეტის ყოველწიურ მოხსენებას მთვრობაც დაესწრება.
"მე იმედი მაქვს, რომ შარშანდელი შემთხვევა როდესაც მთავრობამ ვერ მოახერხა დაესწრებოდა პრეზიდენტის მოხსენებაზე წელს არ განმეორდება, რადგან ამან არავითარი სიკეთე არ მოუტანა არც სახელმწიფოს და არც საერთაშორისო და შიდა იმიჯს. იმედი მაქვს, რომ მთავრობა გამონახვას დროს, იმის მიუხედავად რომ პარლამეენტი ქუთაისშია მოხსენებაზე დასასწრებად. რაც შეეხება ფორმატს ფორმატი პარლამენტის მიერაა გადასაწყვეტი თუმცა მე მზად ვარ ნებისმიერ ფორმატში დეპუტატებთან ერთად განვიხილო ქვეყნისთვის უმნიშვნელოვანესი საკითხები", _განაცხადა მარგველაშვილმა.
ხოლო პრემიერი ირაკლი ღარიბაშვილი სავალდებულოდ არ მიიჩნევს, პრეზიდენტის ყოველწლიურ გამოსვას პარლამენტში მთავრობის წევრები დაესწრონ. როგორც ლიკანში ჟურნალისტებთან ღარიბაშვილმა განაცხადა პრეზიდენტის საკანონმდებლო ორგანოში გამოსვლას სიმბოლური დატვირთვა აქვს.
,,ახალი კონსტიტუციით მთავრობა ვალდებული არ არის დაესწროს პრეზიდენტის გამოსვლას. ეს არის სიმბოლური გამოსვლა პარლამენტში და მე არ ვთვლი საჭიროდ, ყოველ შემთხვევაში, რომ ასეთ გამოსვლებს უნდა დაესწროს მთავრობა, მინისტრთა კაბინეტის წევრები და პრემიერი, ეს არის ჩემი პოზიცია, მაგრამ გთხოვთ ამას დიდ მნიშვნელობას ნუ მიანიჭებთ. ასთ გამოსვლებს, წმინდა სიმბოლური დატვირთა აქვს", _განაცხადა პრემიერმა.
