,,ნაცმოძრაობის" წევრი სერგო რატიანი ,,ჯი-ეიჩ-ენთან" საუბარში აცხადებს, რომ კოალიცია ,,ქართული ოცნების" დეპუტატის გედევან ფოფხაძის ინიციატივა ყოფილი პრემიერის ბიძია ივანიშვილისა და ხელისულფლების რეპრესიული ქმედებების გამაღთლებას ემსახურება.
,, გედევან ფოფხაძე პარლამნეტის ადამიანის უფლებების დაცვის კომიტეტის თავმჯდომარის მოადგილეა და ნაცვლად იმისა, რომ ადამიანის უფლებებს მიხედოს, ის დაკავებულია ბიძინა ივანიშვილისა და მთავრობის რეპრესიული აპარატის გამართლებით", _განაცხადა რატიანმა
მისვე განმარტებით, ,,ნაცმოძრაობა" გედევან ფოფხაძის ინიციატივას მხარს არ დაუჭერს.
,,ჩვენ ამ ინიციატივას მხარს არ დაუჭერთ", -განაცხადა ,,ჯი-ეიჩ-ენთან" საუბარში რატიანმა.
სისხლის სამართლის საპროცესო კოდექსში შედის ცვლილება, რომლის თანახმად, გადაუდებელი აუცილებლობის დროს სამართალდამცველებს ჩხრეკის ჩატარება ორდერის გარეშე შეეძლებათ.
ცვლილების თანახმად, გადაუდებელი აუცილებლობის შემთხვევაში ჩასატარებელ ჩხრეკა-ამოღებისას გამომძიებლის მიერ შესაბამისი დადგენილების გამოტანა საჭირო აღარ გახდება. ასეთ დროს საკმარისი იქნება გამომძიებელმა მოქალაქეს ზეპირად განუმარტოს ჩხრეკისა და ნივთმტკიცების ამოღების საფუძვლები.
კანონპროექტის ერთ-ერთი ავტორი გედევან ფოფხაძე განმარტავს, რომ ცვლილებები აუცილებელია, რათა სამართალდამცველებს ოპერატიული ღონისძიებების დროს მუშაობა გაუმარტივდეთ.
„სამართალდამცველმა გამოძიების დროს არ უნდა იფიქროს რაღაც ცნობების შედგენაზე. მან ამ დროს საქმეზე უნდა იფიქროს და საქმე დროულად გახსნას," - აცხადებს გედევან ფოფხაძე.
