საფრანგეთში საქართველოს ელჩი ეკა სირაძე-დელონე აცხდებს რომ ქვეყანაში რთული ვითარებაა. როგორც ,,რუსთავი-2"-თან საუბარში დიპლომატი აცხადებს ის რაც საფრანგეთში მოხდა ამ ქვეყნის ომში ჩართვის ტოლფასია.
„ ასეთი მაშტაბის ტერორისტული აქტი საფრანგეთში ძალიან დიდი ხანია არ მომხდარა. ეს იმ ფონზე როდესაც გუშინ გაკეთდა განცხადებები რომ რამდენიმე ტერაქტი იქნა თავიდან აცილებული. ვითარება ქვეყანაში დაძაბულია. ტერორისტების ეს ქმედება ნიშნავს რომ საფრანგეთი ფაქტიურად ომში ჩაერთო,"- აცხადებს დელონე.
მისივე განმარტებით, საფრანგეთში რელიგიურ ნიადაგზე დაპირისპირების საფრთხე არსებობს.
„მთავარია ახლა ერთობა და ეს ერთობა საფრანგეთში არის. მთავრობა ცდილობს არ განაწყოს მოსახლეობა ისე რომ მოხდეს ფრანგი ხალხის დამოკიდებულების შეცვლა ყველა მუსლიმანის წინააღმდეგ. მაგრამ ეს საფრთხე არსებობს. თუმცა ვფიქრობ რომ საფრანგეთის მთავრობის ყველა განცხადება არის სწორი,"- აცხადებს დელონე.