საგარეო საქმეთა სამინისტროს ინფორმაციით, იტალიაში ჩაძირულ გემზე საქართველოს 8 მოქალაქე იმყოფებოდა. როგორც ჟურნალისტებთან საგარეო უწყების საკონსულო დეპარტამენტის დირექტორმა გიორგი ტაბატაძემ განმარტა, საქართველოს რვა მოქალაქიდან ხუთის ევაკუაცია თავიდანვე განხორციელდა, დანარჩენი სამიდან კი მხოლოდ ერთის ვინაობაა დადგენილი, ეს არის სასულიერო პირი მამა ილია.
მისივე განმარტებით, დანარჩენი ორის ვინაობის დასადგენად კი სამინისტრო კვლავ მუშაობს.
„ხუთი ქართველი არის გადაყვანილი სხვა გემზე, მაგრამ მათი ადგილმდებარეობა ჯერჯერობით უცნობია, იმიტომ, რომ სამი მიმართულებით გადაყავთ ხალხი - იტალიაში საბერძნეთსა და ალბანეთში. კიდევ სამი ქართველია, რომელთა ადგილსამყოფელი უცნობია. გუშინ 70 კაცი გადაიყვანეს ალმოდებული გემიდან და ვვარაუდობთ, რომ იმ 70-ს შორის იყვნენ დანარჩენებიც. სამიდან ერთის ვინაობა იციან, დანარჩენი ორის ვინაობის დადგენაზე ვმუშაობთ," - განაცხადა გიორგი ტაბატაძემ.
შეგახსენებთ, რომ ადრიატიკის ზღვაში, იტალიის პორტ რავენას სიახლოვეს ერთმანეთს ორი სავაჭრო გემი შეეჯახა, რის შედეგადაც თურქეთის დროშით მცურავი გემი ჩაიძირა.
კატასტროფაში მონაწილე მეორე საზღვაო ხომალდი ბელიზის დროშით ცურავდა.
შეჯახების მიზეზად, სავარაუდოდ, ცუდ ხილვადობასა სახელებენ.
მასალის გამოყენების პირობები
