ლუგანსკის ოლქის ქალაქ სჩასტიესთან დაღუპული ქართველი სამხედრო ალექსანდრე გრიგოლაშვილი ქუთაისში საკუთარ სახლში გადაასვენეს.
დაღუპულის მეზობლების განმარტებით, ალექსანდრე გრიგოლაშვილი უკრაინაში ორი თვის წინ საკუთარი სურვლის საფუძველზე წავიდა.
უკრაინაში პრო-რუსი სეპარატისტების იერიშის შედეგად გარდაცვლილი ალექსანდრე გრიგოლაშვილის ცხედარი თბილისში წუხელ ჩამოასვენეს. თვითმფრინავი ერევნიდან 9-ის 20 წუთზე ჩამოფრინდა.
ცხედარს გრიგოლაშვილის უკრაინელი თანამებრძოლი ჩამოჰყვა.
ქართველი მებრძოლს აეროპორტში მისი ოჯახის წევრები და მეგობრები დახვდნენ. ცხედარი ქუთაისში ალექსანდრე გრიგოლაშვილის სახლში გადაასვენეს. ის საპატრულო ესკორტმა გააცილა.
ალექსანდრე გრიგოლაშვილის ცხედარი თბილისში წუხელ, 12-ის ნახევრაზე, უნდა ჩამოესვენებინათ. თუმცა ძლიერი ნისლის გამო, კიევის თვითმფრინავი თბილისში ვერ დაჯდა და იძულებული გახდა, ერევანში ჩაფრენილიყო.
თბილისის აეროპორტში გარდაცვლილი მებრძოლის დასახვედრად, ოჯახსა და მეგობრებთან ერთად, საგარეო საქმეთა მინისტრის მოადგილე და უკრაინის კონსული მივიდნენ. აეროპორტში შეიკრიბნენ "ნაციონალური მოძრაობის" წევრები.
საგარეო უწყების მინისტრის მოადგილის თქმით, ალექსანდრე გრიგოლაშვილის დაკრძალვის ხარჯებს მთლიანად სახელმწიფო დაფარავს.