კვლევითი სამუშაოებისთვის მეტეხის გვირაბის თითო მხარე 3-3 დღით დაიკეტება. კვლევით სამუშაოებს საქართველოს ტექნიკური უნივერსიტეტთან არსებული ხიდსაცდელი ცენტრი ჩაატარებს.
დედაქალაქის იმერიის ინფორმაციით, ჩატარდება აზომვითი სამუშაოები, მოხდება გვირაბის გარშემო სიცარიელების, ნაგებობის მდგრადობის, ბეტონის ვარგისიანობის შემოწმება, შიდა კომუნიკაციების მდგომარეობის შესწავლა.
ექსპერტიზის დასრულების შემდეგ, შედეგებიდან გამომდინარე, დაისახება შემდგომი სამოქმედო გეგმა.
სამუშაოები სპეციალური პროგრამის ფარგლებში ხორციელდება, რომლითაც ხდება 20 ხიდისა და 1 გვირაბის კვლევა, თუ რა მდგომარეობაშია ნაგებობები, რა სამუშაოები და თანხებია საჭირო მათი ნორმალური ექსპლუატაციისთვის.
