დღეს,16 დეკემბერს, 16:00 საათზე საზოგადოებრივი ორგანიზაცია "ჩვენი თავისუფალი არჩევანი" პროექტის "არ შეეგუო ოკუპაციას" ფარგლებში გამოცემული ბროშურის პრეზენტაციას გამართავს.
როგორც "ჯი-ეიჩ-ენს" პროექტის ავტორებმა აცნობეს, ბროშურაზე მუშაობდნენ ისტორიკოსები: პაატა ჩიქოვანი და სვიმონ მასხარაშვილი. გამოცემა საქართველოს ოკუპაციის ისტორიულ ფაქტებს მოიცავს და ფართო მკითხველისთვის არის გათვალისწინებული. პრეზენტაციაზე სიტყვით გამოვლენ ისტორიკოსი პაატა ჩიქოვანი; ისტორიკოსი სვიმონ მასხარაშვილი; პუბლიცისტი ნათია მეგრელიშვილი; პროექტის ავტორი, მხატვარი გიორგი გუგუშვილი.