ბოლო პერიოდში მსოფლიო პრესა ავიაკომპანია "Southwest Airlines"-ის პრობლემების შესახებ ხშირად წერს. თუმცა ამჯერად კომპანიის მსოფლიო მედიაში მოხვედრის ამბავი არა ნეგატიურ, არამედ სასიხარულო ინფორმაციას უკავშირდება. "Southwest Airlines"-ის კუთვნილი თვითმფრინავის ბორტზე ბავშვი დაიბადა.
სან-ფრანცისკოს მიმართულებით ფრენა ხორციელდებოდა, ამინდიც იდეალური იყო. თვითმფრინავი 50ნ წუთში უკვე აეროპორტშიც უნდა დაშვებულიყო, როდესაც მფრინავთან ერთ-ერთი ბორტგამცილებლიდან საგანგაშო სიგნალი შევიდა. როგორც გაირკვა ერთ-ერთ მგზავრს ბორტზე მშობიარობა დაეწყო. საბედნიეროდ თვითმფრინავის მგზავრებს შორის ექიმიც აღმოჩნდა და ყველაფერმა მშვიდობით ჩაიარა. თუმცა განვითარებული მოვლენებიდან გამომდინარე თვითმფრინავმა ლოს-ანჟელესის აეროპორტში სასწრაფო დაშვება განახორციელა, სადაც ახალშობილსა და დედას ექიმები და ექთნები დახვდნენ.