დღეს, 8 დეკემბერს 12:00 საათზე პარლამენტში საქართველოში ევროკავშირის ელჩს იანუშ ჰერმანს ელოდებიან .
იგი პარლამენტში ევროპასთან ინტეგრაციის და საგარეო ურთიერთობათა კომიტეტების გაერთიანებული სხდომაში მიიღებს მონაწილეობას.
სხდომაზე ასევე მოწვეულია პარლამენტის თავმჯდომარე დავით უსუფაშვილი , ვიცე -
სპიკერები, კომიტეტების და ფრაქციების თავმჯდომარეები.
საქართველოში ევროკავშირის წარმომადგენლობის ახლად დანიშნული ელჩი საქართველოსა და ევროკავშირს შორის ურთიერთობების მნიშვნელოვან ასპექტებზე და საქართველოს ევროკავშირთან ინტეგრაციის პერსპექტივებზე ისაუბრებს.
იანუშ ჰერმანი ასევე ყურადღებას გაამახვილებს ევროკავშირის წინაშე მდგარ გამოწვევებზე და მათი გადაჭრის გზებზე .
