სახელმწიფო უსაფრთხოებისა და კრიზისების მართვის საბჭოს ახალი მდივანი მუშაობას უკვე შეუდგა.
დავით სუჯაშვილი დღეს დეპარტამენტის ხელმძღვანელებს შეხვდა და მიმდინარე პროექტებზე ესაუბრა. საბჭოს მდივანმა თანამშრომლებს სამომავლო გეგმებიც გააცნო.
საქართველოს პრემიერ-მინისტრ ირაკლი ღარიბაშვილის გადაწყვეტილებით, სახელმწიფო უსაფრთხოებისა და კრიზისების მართვის საბჭოს მდივნის ვაკანტურ თანამდებობაზე დავით სუჯაშვილი დაინიშნა.
დავით სუჯაშვილს დამთავრებული აქვს საქართველოს სახელმწიფო უშიშროების სამინისტროს აკადემია.
11/1999 -11/2012 წწ. - მუშაობდა საგარეო დაზვერვის სამსახურში
11/2012 - 12/2013 წწ. - იყო საქართველოს შინაგან საქმეთა სამინისტროს საინფორმაციო-ანალიტიკური დეპარტამენტის დირექტორი.
12/2013 წ. - მუშაობა განაგრძო საქართველოს დაზვერვის სამსახურში.
