სანდრო გირგვლიანის საქმესთან დაკავშირებით პროკურატურის მიერ მიმდინარე გამოძიებას და სააკაშვილისთვის მორიგი ბრალის დადგენას გამოეხმაურა საქართველოს პრემიერ-მინისტრი მთავრობის სხდომის დაწყებამდე და აღნიშნა, რომ მოხარულია ამ ფაქტის გამოძიების გამო.
„ჩემთვის, როგორც რიგითი მოქალაქისთვის, ძალიან სასიხარულო იყო ის ფაქტი, რომ პროკურატურამ გამოიძია გირგვლიანის საქმე და საბოლოოდ წერტილი დაესვა ამ საქმეს და იმედი მაქვს, რომ მართლმსაჯულება აღდგება და კიდევ ერთხელ იზეიმებს სამართლიანობა. ეს იყო ძალიან მძიმე მოვლენა ჩვენი ქვეყნისთვის, ეს იყო სირცხვილი, რომელიც ჩვენმა წინა ხელისუფლებამ ჩაიდინა", - განაცხადა ირაკლი ღარიბაშვილმა.
პრემიერმა განმარტებით, გამოძიებით დასტურდება წინა ხელისუფლების პირობებში სისტემური დანაშაულების არსებობა.
„ეს კიდევ ერთხელ მიმანიშნებელია იმისა, რომ წინა ხელისუფლების დროს ადგილი ჰქონდა სისტემურ დანაშულს, ისეთს, როგორიც იყო ადამიანის წამება, მკვლელობა, ძლიან მძიმე დანაშაულები, მათ შორის უკანონო ფარული მიყურადება, უკანონო მასობრივი მოსმენები და ასე შემდეგ და ჩემთვის მართაც გასაოცარია ის რეაქცია, რაც არის ამჟამად ჩვენი ოპონენტების მხრიდან", - გნაცხადა პრემიერი.
