უკანონო მოსმენებისგან დაცვის 100 %-იანი სისტემის ჩამოყალიბება შეუძლებელია, - ამ განცახდებით გამოეხმაურა შინაგან საქმეთა მინისტრის მოადგილე ლევან იზორია ფარული მიყურადების ე.წ. გასაღების საკითხის ირგვლივ მიმდინარე დისკუსიას.
მისი თქმით, ლოგიკურად და სამართლებრივად გამართლებულია, რომ ფარული მოსმენის გარე კონტროლის მექანიზმი პერსონალური მონაცემების დაცვის ინსპექტორს ჰქონდეს.
"დისკუსიის ყველა მონაწილე აღიარებს ერთ რამეს, რომ უკანონო მოსმენებისგან დაცვის 100 %-იანი სისტემის ჩამოყალიბება არის შეუძლებელი. ამოცანა დღეს დგას, შემდეგი - შეიქმნას ისეთი სისტემა, რომელიც მოახდენს საფრთხეების მინიმიზებას. ინიციატივა, რომელიც პარლამენტში ბესელიამ წარადგინა, ითვალისწინებს, რომ იყოს გარე კონტროლის ეფექტური მექანიზმი", - განაცხადა ლევან იზორიამ.
შს მინისტრის მოადგილე ასევე, დეპუტატთა ნაწილის განცახდებასაც გამოეხმაურა, რომელთა თქმით, უმრავლესობის მიერ წარდგენილი კანონპროექტი შინაგან საქმეთა სამინისტროში დაწერილს ჰგავს. იზორიას თქმით, საკითხზე კონსულტაციები სამინისტროში მართლაც მიმდინარეობდა, თუმცა პროექტი უწყებისგან დამოუკიდბლად შეიქმნა.
"კონსლუტაციები ეკა ბესელიას არა მხოლოდ ამ კანონპროექტთან, არამედ სხვა კანონპროექტებთან დაკავშირებითაც ხშირად ჰქონია. მას კონსუტლაციები ჰქონდა არა მხოლოდ ჩვენს უწყებასთან, არამედ პერსონალურ დაცვის ინსპექტორთან. გამომდინარე იქედან, რომ მისი ინიციატივა ეხება ერთი მხრივ ჩვენ უწყებას, მეორე კი პერსონალური დაცვის მონაცემთა ინსპექტორს, ბუნებრივი და პასუხიგმებლიანი დამოკიდებულებაცაა რომ ეს კონსულტაციები გაემართა", - აცხადებს იზორია.
